စက်မှုလုပ်ငန်းများတိုးတက်လာခြင်းနှင့်ရေရှည်တည်တံ့သောဖွံဖြိုးတိုးတက်မှု

လူ့သမိုင်းတစ်လျှောက်လုံးတွင်လူသားတို့သည်အဆင့်ဆင့်သောခေတ်ပြောင်းတော်လှန်ရေးများကို

ဖြတ်သန်းလာခဲ့ရပြီးလူသားတို့၏အသိညာဏ်တိုးတက်လာသည်နှင့်အမျှတိုးတက်ပြောင်းလဲမှုများသည် လည်းအရှိန်အဟုန်မြင့်မားလာခဲ့ပေသည်။နိုင်ငံရေး၊စီးပွားရေး၊လူမှုရေးအစရှိသောအရာများပေါ်တွင်သက်

ရောက်မှုရှိသော”စက်မှုတော်လှန်ရေး”သည်လည်းလူ့သမိုင်း၏အရေးပါသောအစိတ်အပိုင်းတစ်ရပ်ဖြစ်ပါ

သည်။ပညာရှင်အများစုက”ပထမအကြိမ်စက်မှုတော်လှန်ရေး”ကို၁၈ရာစုအစောပိုင်းတွင်ဂရိတ်ဗြိတိန်၌ စတင်ဖြစ်ပွားခဲ့သည်ဟုသတ်မှတ်ကြပြီး”ဒုတိယအကြိမ်”ကိုမူ၁၉ရာစုတွင်အခြားသောဥရောပနိုင်ငံများနှင့်အမေရိကတွင်၎င်း”တတိယအကြိမ်”ကိုမူ၂၀ရာစုတွင်ဂျပန်နှင့်အရှေ့အာရှနိုင်ငံများတွင်၎င်းဖြစ်ပွားခဲ့သည်ဟုသတ်မှတ်ထားကြပါသည်။စက်မှုတော်လှန်ရေးဆိုသည်မှာယခင်ကလက်မှုလုပ်ငန်းနေရာများတွင်စက်ကိရိ

ယာများကိုအစားထိုးသုံးစွဲလာကြပြီးကုန်ထုတ်လုပ်ငန်းများကိုအချိန်တိုတိုအတွင်းမှာအရေအတွက်များများ ထုတ်လုပ်လာနိုင်သောဖြစ်စဉ်ဟုအကြမ်းဖျင်းအားဖြင့်ဆိုနိုင်ပေသည်။စက်မှုနိုင်ငံဆိုသည်မှာလည်းနိုင်ငံ၏ကုန်ထုတ်လုပ်မှုအများစုတွင်စက်မှုလုပ်အားဖြင့်ထုတ်လုပ်သောထုတ်ကုန်သည်သုံးပုံနှစ်ပုံခန့်ပါဝင်နေသောနိုင်ငံဟုမှတ်ယူနိုင်ပေသည်။

စက်မှုလုပ်ငန်းများဖွံဖြိုးတိုးတက်ခြင်းသည်နိုင်ငံတစ်နိုင်ငံ၏စီးပွားရေးတိုးတက်လာမှုကိုအဓိကတွန်းအားပေးသောအရာဖြစ်သည်ဟုပညာရှင်များကမှတ်ယူကြပေသည်။နိုင်ငံများကိုယေဘူယအားဖြင့်ဝင်ငွေနိမ့်ကျသောနိုင်ငံ(Low income incountry)၊ဝင်ငွေအလယ်အလတ်ရှိသောနိုင်ငံ(Middle income country)၊ ဝင်ငွေမြင့်မားသောနိုင်ငံ(High income country)ဟူ၍ခွဲခြားသတ်မှတ်ကြပါသည်။ထို့အပြင်နိုင်ငံတစ်နိုင်ငံ ၏တိုင်ပြည်ဝင်ငွေ(သို့)စုစုပေါင်းတိုင်းပြည်ထုတ်ကုန်(GNP)နှင့်စုစုပေါင်းပြည်တွင်းထုတ်ကုန်(GDP)တို့ကို

စိုက်ပျိုးရေး၊စက်မှုလုပ်ငန်းနှင့်ဝန်ဆောင်မှုလုပ်ငန်းဟူသောအမျိုးအစားများခွဲခြားကာမည်သည့်နိုင်ငံသည်

မည်သည့်အမျိုးအစားသောစီးပွားရေးလုပ်ငန်းအများဆုံးပါဝင်သည်ကိုလည်းလေ့လာကြပါသည်။ထိုလေ့လာချက်များအရ၁၉၉၉ခုနစ်တွင်ဝင်ငွေနိမ့်ကျသောနိုင်ငံများ၏စုစုပေါင်းပြည်တွင်းထုတ်ကုန်များတွင်စိုက်ပျိုးရေးသည်၂၇ရာခိုင်နှုန်း၊စက်မှုလုပ်ငန်းသည်၃၀ရာခိုင်နှုန်း၊ဝန်ဆောင်မှုလုပ်ငန်းသည်၄၃ရာခိုင်နှုန်းအသီးသီးရှိနေကြပြီးဝင်ငွေအလယ်အလတ်ရှိသောနိုင်ငံများတွင်စိုက်ပျိုးရေး၁၀ရာခိုင်နှုန်း၊စက်မှုလုပ်ငန်း၃၆ရာခိုင်နှုန်း၊

ဝန်ဆောင်မှု၅၅ရာခိုင်နှုန်းတို့အပြင်ဝင်ငွေမြင့်မားသောနိုင်ငံများတွင်စိုက်ပျိုးရေး၂ရာခိုင်နှုန်း၊စက်မှုလုပ်ငန်း

၃၀ရာခိုင်နှုန်းနှင့်ဝန်ဆောင်မှုလုပ်ငန်း၆၄ရာခိုင်နှုန်းပါရှိနေကိုတွေ့ရှိရပါသည်။ယခုအခါတွင်စက်မှုထွန်ကားသောခေတ်နှင့်စက်မှုထွန်းကားမှုအလွန်ခေတ်ကာလဟူ၍လည်းလုပ်သားထုတ်လုပ်မှုရှုထောင့်မှလည်းလေ့လာသုံးသပ်ကြပါသည်။ထိုကဲသို့သောပညာရှင်များ၏ဘက်ပေါင်းစုံမှလေ့လာသုံးသပ်များအရစက်မှုလုပ်ငန်းတိုးတက်ထွန်းကားလာခြင်းသည်နိုင်ငံတစ်နိုင်ငံ၏စီးပွားရေးအပေါ်တွင်သာမကပဲလူသားတို့၏အသက်ရှင်ရပ်တည်ရေး၊နိုင်ငံရေးဖြစ်စဉ်များပြောင်းလဲလာခြင်း၊သဘာဝပတ်ဝန်းကျင်နှင့်ဂေဟစနစ်များအပေါ်တွင်ဆိုးရွားစွာသက်ရောက်လာခြင်း၊နိုင်ငံတွင်းနှင့်နိုင်ငံများအကြားမညီမှုများပိုမိုကြီးထွားလာခြင်းအစရှိသောပြသနာများနှင့်ပါပတ်သတ်ဆက်နွှယ်မှုရှိကြောင်းကိုတွေ့ရှိရပါသည်။

ယနေ့ကမ္ဘာတွင်ဖွံဖြိုးတိုးတက်ရေးဟူသောစကားသည်အလွန်ရေပန်းစားကာလူတိုင်း၊အဖွဲ့အစည်းတိုင်း၊နိုင်ငံတိုင်းကသုံးစွဲကြပေသည်။ထိုအထဲတွင်မှအမျိုးအစားများခွဲခြားကာစီးပွားရေးဖွံဖြိုးတိုးတက်မှု၊လူမှုရေးဖွံဖြိုးတိုးတက်မှု၊နိုင်ငံရေးဖွံဖြိုးတိုးတက်မှု၊ပညာရေးဖွံဖြိုးတိုးတက်မှုစသည်ဖြင့်အမျိုးအစားများခွဲခြားကာလေ့လာဆန်းစစ်ကြလျှက်ရှိပါသည်။ဖွံဖြိုးတိုးတက်မှုဟူသောစကားလုံးကိုအဓိပ္ပါယ်အမျိုးမျိုးဖြင့်ရှုထောင့်အမျိုးမျိုးမှချဉ်းကပ်ဖွင့်ဆိုကြပါသည်။အခြေခံအကျဆုံးသောအဓိပ္ပါယ်တစ်ခုမှာ”မူရင်းရှိရင်းစွဲအခြေအနေတစ်ခုမှပိုမိုကောင်းမွန်သောအခြေအနေတစ်ခုဆီသို့ပြောင်းလဲခြင်းဖြစ်စဉ်”ဟုဆိုရပေလိမ့်မည်။ဖွံဖြိုးတိုးတက်မှုဖြစ်ထွန်းလားအောင်ဖော်ဆောင်ရာတွင်နိုင်ငံတိုင်းနိုင်ငံတိုင်းတွင်၎င်းတို့၏ဦးစားပေးအရာများ၊မဟာဗျူဟာများနှင့်မူဝါဒများရှိကြပေသည်။ထိုမူဝါဒများကိုအကောင်အထည်ဖော်ဆောင်ရွက်ရာတွင်အဖက်ဖက်မှချဉ်ထိုးစဉ်းစားပြီးအကောင်းဆုံးနှင့်အမှန်ကန်ဆုံးဖြစ်ရန်လိုအပ်ပါသည်။နိုင်ငံတစ်နိုင်ငံ၏စီးပွားရေးဖွံဖြိုးတိုးတက်အောင်လုပ်ရာတွင်လည်းလူနည်းစုအရင်းရှင်များအတွက်သာအကျိုးရှိသောဖွံဖြိုးတိုးတက်ရေးမူဝါဒများမဖြစ်အောင်အခြေခံလူတန်းစားများ၏အကျိုးစီးပွားကိုပါကာကွယ်စောင့်ရှောက်မြှင့်တင်ပေးနိုင်သောမူဝါဒများဖြစ်ရန်လည်းလိုအပ်ပေသည်။ထိုဖွံဖြိုးတိုးတက်မှုသည်ရေရှည်တည်တံ့သောဖွံဖြိုးတိုးတက်မှုဖြစ်ရန်လည်းလိုအပ်ပါသည်။

ကမ္ဘာ့ကုလသမဂ္ဂအဖွဲ့ကြီး၏၂၀၀၀ခုနစ်တွင်ကျင်းပသောထောင်စုနှစ်အထွေထွေညီလာခံတွင်ထောင်စုနှစ်ဖွံဖြိုးတိုးတက်ရေးပန်းတိုင်များဟူ၍ချမှတ်ခဲ့ပါသည်။၂၀၁၅ခုနစ်အထိအကောင်အထည်ဖော်ဆောင်ရွက်ရမည့်ရည်မှန်းချက်မှာစုစုပေါင်း၈ချက်ရှိပေသည်။ကမ္ဘာကုလသမဂ္ဂအဖွဲ့ဝင်နိုင်ငံအားလုံးကထိုရည်မှန်းချက်များကိုအကောင်အထည်ဖော်ရန်ဆုံးဖြတ်ခဲ့ကြသည်။ထိုအချက်(၈)ချက်မှာ(၁)ဆင်းရဲနွမ်းပါးမှုနှင့်ငတ်မွတ်ခေါင်းပါးမှုတိုက်ဖျက်ရေး(၂)လူသားတိုင်းအခြေခံပညာရေးသင်ယူပြီးမြောက်ရေး(၃)ကျား/မတန်းတူအခွင့်အရေးများမြင့်တင်ပေးရေးနှင့်နယ်ပယ်စုံ၌အမျိုးသမီးများပါဝင်လာမှုမြင့်တင်ပေးရေး(၄)ငါးနှစ်အောက်ကလေးငယ်များသေဆုံးမှုနှုန်းလျော့ချရေး(၅)ကိုယ်ဝန်ဆောင်မိခင်များ၏ကျန်းမာရေးမြင့်တင်ပေးရေး(၆)ခုံခံအားကျဆင်းမှုကူးစက်ရောဂါ၊ငှက်ဖျားရောဂါအစရှိသောရောဂါများအားအမြစ်ပြတ်တိုက်ဖျက်ရေး(၇)သဘာဝပတ်ဝန်းကျင်နှင့်ဂေဟစနစ်များအားထိန်းသိမ်းစောင့်ရှောက်ရေး(၈)ကမ္ဘာလုံးဆိုင်ရာဖွံဖြိုးတိုးတက်ရေးအဖွဲ့အစည်းများအားကူညီထောက်ပံ့ပေးရေးတို့ဖြစ်ပါသည်။

၂၀၁၅အလွန်ကာလသို့ရောက်ရှိလာသောအခါတွင်ဖွံဖြိုးတိုးတက်မှုများကိုပိုမိုဖြည့်စွက်စဉ်းစားလာ

ကြပြီး၂၀၃၀ခုနစ်အထိအကောင်အထည်ဖော်ဆောင်ရွက်ရမည့်”ရေရှည်တည်တံ့သောဖွံဖြိုးတိုးတက်မှုများ”အမည်ရှိသောအချက်၁၇ချက်ပါဝင်သောသဘောတူညီမှုတစ်ရပ်ကိုအတည်ပြုဆုံးဖြတ်ခဲ့ကြပေသည်။ထိုအချက်၁၇ချက်မှာ(၁)နေရာဒေသစုံတွင်အသွင်မျိုးစုံဖြင့်တည်ရှိနေသာဆင်းရဲနွမ်းပါးမှုများကိုအဆုံးသတ်ရန်

(၂)ရေရှည်တည်တံ့သောစိုက်ပျိုးရေးလုပ်ငန်းများဖြစ်ထွန်းလာအောင်မြှင့်တင်ပေးပြီးအစားအစာလုံခြုံရေးကိုသတိထားဆောင်ရွက်လျှက်ငတ်မွတ်ခေါင်းပါးမှုများအဆုံးသတ်ရေး(၃)လူတိုင်းသက်တန်းစေ့နေနိုင်ရေးနှင့်ရောဂါဘယကင်းဝေးရေး(၄)တန်းတူညီမျှပြီးအားလုံးပါဝင်နိုင်သောပညာရေးစနစ်များကိုဖော်ဆောင်ပြီးတစ်သက်တာလေ့လာနိုင်မှုကိုမြှင့်တင်ပေးရေး(၅)ကျား/မတန်းတူညီမျှရေးနှင့်အမျိုးသမီးများအားစွမ်းဆောင်ရည်များမြှင့်တင်ပေးရေး(၆)သန့်ရှင်း၍ကောင်းမွန်သောရေအရင်းအမြစ်များရရှိအောင်ပိုမိုဆောင်ရွက်ပြီးရေရှည်တည်တံ့သောအရင်းအမြစ်ဖြစ်အောင်စနစ်တကျစီမံခန့်ခွဲစေခြင်း(၇)သန့်ရှင်းသော၊အသုံးဝင်သော၊ရေရှည်တည်တံ့သောစွမ်းအင်အရင်းအမြစ်များရရှိအောင်ဆောင်ရွက်ခြင်း(၈)အလုပ်အကိုင်အခွင့်အလမ်းများပိုမိုဖော်ဆောင်ပေးနိုင်သော၊အားလုံးပါဝင်နိုင်မှုကိုအားပေးသောရေရှည်တည်တံစေနိုင်သောစီးပွားရေးအခွင့်အလမ်းများဖော်ဆောင်ပေးနိုင်ရေး(၉)တီထွင်ကြံဆမှုများနှင့်စက်မှုလုပ်ငန်းများပိုမိုကောင်းမွန်စွာပေါ်ထွန်းလာစေရေးအတွက်အခြေခံအဆောက်အအုံများတည်ဆောက်ပေးရေး(၁၀)နိုင်ငံတွင်းနှင့်နိုင်ငံများအကြားမညီမျှမှုများကိုလျော့ချနိုင်ရေး(၁၁)လုံခြုံသော၊အေးချမ်းသော၊ရေရှည်တည်တံ့သောမြို့ပြများနှင့်အိုးအိမ်များပိုမိုဖော်ဆောင်ပေးခြင်း(၁၂)ထုတ်လုပ်မှုနှင့်စားသုံးမှုဖြစ်စဉ်များအားပိုမိုကောင်းမွန်ကာရေရှည်တည်တံ့စေခြင်း

(၁၃)ရာသီဥတုဖောက်ပြန်ပြောင်းလဲမှုများအားကောင်းမွန်မှန်ကန်စွာပြုပြင်ပြောင်းလဲခြင်း(၁၄)မြစ်၊ချောင်း၊သမုဒ္ဒရာများ၏ဂေဟစနစ်များကိုရေရှည်တည်တံ့စေရန်ထိန်းသ်ိမ်းစောင့်ရှောက်စေခြင်း(၁၅)သဘာဝဂေဟ စနစ်များပြန်လည်ကောင်းမွန်လာစေရန်ပြုပြင်ခြင်း၊ထိန်းသိမ်းခြင်းများနှင့်ရေရှည်တည်တံ့စေရန်ကာကွယ်

ခြင်းများဆောင်ရွက်ရန်(၁၆)တရားမှုတမှု၊ငြိမ်းချမ်းရေးနှင့်ရေရှည်တည်တံ့သောဖွံဖြိုးတိုးတက်မှုများဖြစ်ထွန်းလာအောင်အားပေးဆောင်ရွက်ခြင်း(၁၇)ရေရှည်တည်တံ့သောဖွံဖြိုးတိုးတက်မှုများကိုအကောင်အထည်

ဖော်ဆောင်ရွက်မည့်အဖွဲ့အစည်းများအားအားပေးကူညီဆောင်ရွက်ခြင်းတို့ဖြစ်ပါသည်။

          ရေရှည်တည်တံ့သောဖွံဖြိုးတိုးတက်မှုဆိုသည်မှာလူမှု့ကမ္ဘာနှင့်သဘာဝကမ္ဘာကိုလူသားတို့၏အ

တွေးအခေါ်များနှင့်လုပ်ရပ်များအပေါ်အမှီပြုလျှက်မျှခြေအခြေအနေကိုဖန်တီးခြင်းဖြစ်ပေသည်။လူသားတို့၏အတွေးအခေါ်နှင့်လုပ်ရပ်များသည်သိပ္ပံပညာရပ်နှင့်အတူတဖြည်းဖြည်းတိုးတက်လာခဲ့သော်လည်းသဘာဝကမ္ဘာအတွက်မူအနုတ်သဘောဆောင်မှုများသာဖြစ်ပေါ်လာခဲ့ပေသည်။စက်မှုလုပ်ငန်းများတိုးတက်ထွန်းကားလာပြီးလူသားတို့၏လူနေမှုအဆင့်အတန်းများနှင့်လိုအင်ဆန္ဒများကိုအလွယ်တကူပြည့်ဝလာခဲ့သော်လည်းထိုစက်မှုလုပ်ငန်းများတိုးတက်လာခြင်းကြောင့်လူမှုကမ္ဘာတွင်လူသားများ၏ကျန်းမာရေးပြသနာများ၊မညီမျှသောလူမှုရေးပြသနာများအပြင်လူသားများအပေါ်တွင်အဓိကရိုက်ခတ်လာသောသဘာဝပတ်ဝန်းကျင်ပျက်စီးယိုယွင်းမှုများ၊ဂေဟစနစ်များဆိုးရွှားစွာပျက်စီးခြင်းများစသောသဘာဝကမ္ဘာပျက်စီးခြင်း၏အကျိုးဆက်များကိုပါလူသားများကခံစားရပါသည်။သို့သော်ယူနက်စကိုအဖွဲ့ကြီး၏”World Culture Report”အရ

ကမ္ဘာ့လူဦးရေ၏၁၄ရာခိုင်နှုန်းမျှကသာသဘာဝပတ်ဝန်းကျင်အရေးသည်သူတို့နိုင်ငံ၏အဓိကပြသနာဟုယူဆကြသည်ဟုသိရှိရပါသည်။

          စက်မှုလုပ်ငန်းများဖွံဖြိုးတိုးတက်လာခြင်းကိုလူမှု၊စီးပွားရေးနှင့်ဂေဟဗေဒတို့၏ရှုထောင်မှလည်းလေ့လာကြပြီးရေရှည်တည်တံ့သောဖွံဖြိုးတိုးတက်မှုဖြစ်စေရန်အတွက်မည်ကဲ့သို့ပြုမှုလုပ်ဆောင်ရမည်ကိုလည်းပညာရှင်များကအကြံပြုကြပါသည်။ကမ္ဘာလူဦးရေသည်တစ်နှစ်ထက်တစ်နှစ်တိုးတက်လာခဲ့ပြီးစိုက်ပျိုးထုတ်လုပ်ရေးသည်လည်းနှစ်ဆခန့်တိုးတက်လာခဲ့ပေသည်။ထို့အပြင်စက်မှုလုပ်ငန်းများတိုးတက်လာခြင်းကြောင့်သက္ကရာဇ်၁၉၀၀မှစတင်ကာကမ္ဘာ့စီးပွားရေးသည်လည်းနှစ်စဉ်၃ရာခိုင်နှုန်းအထိတိုးတက်လာခဲ့ပါသည်။ထိုကဲသို့တိုးတက်လာသည်နှင့်အမျှသဘာဝအရင်းအမြစ်များဖြစ်သောသတ္တုများနှင့်စွမ်းအင်သုံးစွဲမှုနှုန်းများလည်းမြှင့်တက်လာခဲ့ပါသည်။လေထုထဲတွင်ကာဗွန်ဒိုင်အောက်ဆိုဒ်ဓာတ်ငွေ့ပါဝင်မှုသည်လည်း၂၅ရာခိုင်နှုန်းမှ၃၀ရာခိုင်နှုန်းအထိမြင့်တက်လာခဲ့ပေသည်။ရေထုနှင့်မြေထုထဲတွင်နိုက်ထရိုဂျင်နှင့်ဖော့စဖိတ်ပါဝင်မှုနှုန်းသည်လည်းကြောက်မခန်းလိလိမြင့်တက်လာခဲ့ပြီးရေအရင်းအမြစ်ညစ်ညမ်းမှုများနှင့်မြေဆီလွှာပျက်စီးမှုများကိုပါဖြစ်ပေါ်စေခဲ့ပါသည်။

          ဆင်းရဲနွမ်းပါးမှုပြသနာသည်တစ်ကမ္ဘာလုံးရင်းဆိုင်နေရသောကမ္ဘာလုံးချီပြသနာတစ်ခုဖြစ်ပါသည်။ဆင်းရဲနွမ်းပါးမှုသောစကား၏အဓိပ္ပါယ်ဖွင့်ဆိုချက်ကိုလည်းအမျိုးမျိုးသောရှုထောင့်မှဖွင့်ဆိုကြပါသည်။ဆင်းရဲနွမ်းပါးမှုကိုလျော့ချရာတွင်အဓိကစဉ်းစားဆောင်ရွက်ရမည့်အရေးပါသောအရာသုံးခုမှာ(၁)ဝင်ငွေ(၂)ရုပ်ဝတ္တုချို့တဲ့မှုနှင့်(၃)စွမ်းရည်ချို့တဲ့မှုတို့ဖြစ်ပါသည်။ထိုဆင်းရဲနွမ်းပါးမှုသည်ဖွံဖြိုးတိုးတက်ရေးကိုအဟန့်အတား

ဖြစ်စေသောအရာဟုဘောဂဗေဒပညာရှင်အများစုကယူဆကြပါသည်။ထို့အပြင်စက်မှုလုပ်ငန်းများဖွံဖြိုးတိုးတက်လာခြင်းကြောင့်ဆင်းရဲနွမ်းပါးမှုအပေါ်သက်ရောက်မှုများစွာရှိနေသည်ကိုလည်းလေ့လာတွေ့ရှိရပါသည်။ကောင်းမွန်သောအစိုးရ၊အကျိုးရှိသောမူဝါဒများ၊မှန်ကန်သောအုပ်ချုပ်မှုနည်းစနစ်များအစရှိသောအုပ်

ချုပ်ရေးမဏ္ဏိုင်၏အရေးပါမှုသည်လည်းစက်မှုလုပ်ငန်းများဖွံဖြိုးတိုးတက်ခြင်းကဆင်းရဲနွမ်းပါးမှုအပ်ါအပေါင်းလက္ခဏာသက်ရောက်ခြင်းလား၊အနုတ်လက္ခဏာသက်ရောက်ခြင်းလားဟူသည်ကိုအဓိကအဆုံးအဖြတ် ပေးနေပေသည်။

          နိုင်ငံတစ်နိုင်ငံ၏စီးပွားရေးဖွံဖြိုးတိုးတက်မှုသည်အလယ်အလတ်တန်းစားလူဦးရေကိုတိုးပွားအောင်

ပြုလုပ်ပြီးအလုပ်အကိုင်အခွင့်အလမ်းများကိုဖော်ဆောင်ပေးနိုင်ခြင်း၊အခြေခံအဆောက်အအုံများကိုစနစ်တကျနှင့်တိုးပွားစေခြင်း၊သဘာဝပတ်ဝန်းကျင်အပေါ်တွင်သက်ရောက်မှုနည်းနိုင်သမျှအနည်းဆုံးဖြစ်စေခြင်း၊မျှတသောပြိုင်ဆိုင်မှုကိုအားပေးစေခြင်းစသောအရာများကိုဦးတည်ဆောင်ရွက်မှသာရေရှည်တည်တံ့သောစီးပွားရေးဖွံဖြိုးတိုးတက်မှုကိုဖြစ်ပွားစေနိုင်ပါမည်။များစွာသောဖွံဖြိုးဆဲနိုင်ငံများတွင်စက်မှုလုပ်ငန်းဖွံဖြိုတိုး

တက်မှုများသည်အထက်ပါစီးပွားရေးဖွံဖြိုးတိုးတက်ရေးဆီသို့ဦးတည်ခြင်းမရှိဘဲလူနည်းစုအရင်းရှင်များသာ

ကြီးပွားစေခြင်း၊လူလတ်တန်းစားများကိုပိုမိုဖိနှိပ်မှုများဖြင့်လူတန်းစားကွာဟမှုများကိုပိုမိုဖြစ်ပွားစေခြင်း၊သဘာဝပတ်ဝန်းကျင်ပျက်စီးဆုံးရှုံးမှုများကိုလစ်လျုရှုမှုများပြုမူခြင်းစသောလူ့အဖွဲ့အစည်းအတွင်းအနုတ်လက္ခဏာများကိုဖြစ်ပေါ်စေပြီးနိုင်ငံရေးမတည်ငြိမ်မှုများကိုကြုံတွေ့ရကာအဆိုးကျော့စက်ဝန်းကိုသာကြုံတွေ့ရပေသည်။

စက်မှုလုပ်ငန်းများတိုးတက်လာခြင်းကြောင့်အလွန်အမင်းမြို့ပြဆန်လာခြင်း၊ကျေးလက်ဒေသမှမြို့ပြများဆီသို့အစုလိုက်အပြုလိုက်လူသားရွေ့ပြောင်းမှုများဖြစ်ပေါ်လာခြင်း၊ကျေးလက်မြို့ပြကွာဟမှုများပြားလာ

ခြင်းတို့သည်လည်းရေရှည်တည်တံ့သောဖွံဖြိုးတိုးတက်မှုကိုအားနည်းစေသောအဓိကအချက်များအဖြစ်ပါဝင်ပါသည်။အထူးစီးပွားရေးဇုန်များ၊အမြန်လမ်းမကြီးများ၊ရေနက်ဆိပ်ကမ်းများအစရှိသောစက်မှုလုပ်ငန်းတိုးတက်လာခြင်း၏နောက်ဆက်တွဲအပြုအမူများကြောင့်ကျေးလက်ဒေသနေဒေသခံများ၏လယ်ယာမြေများမတရားသဖြင့်သိမ်းပိုက်ခံရခြင်း၊စက်ရုံအလုပ်ရုံများ၏ဘေးထွက်ဆိုးကျိုးများကြောင့်သဘာဝဘေးအန္တရာယ်များခံစားရပြီးအလုပ်အကိုင်များရှားပါးလာခြင်းတို့ကြောင်းမိမိတို့ဒေသများကိုစွန့်ခွာကာမြို့ပြများဆီသို့ရွေ့ပြောင်းနေထိုင်မှုများဖြစ်စေကာမြိုပြလူနေမှုပိုမိုထူထပ်လာပြီးကျန်းမာရေး၊ပညာရေး၊လူမှုရေးအစရှိသောမညီမျှမှုများပြသနာများကိုဖြစ်ပွားစေပါသည်။ထိုမညီမျှမှုများကြောင့်ကျား/မတန်းတူညီမျှရေးကိုပိုမိုကွာဟစေခြင်းများ၊မှုခင်းများထူပြောလာပြီးလူသားလုံခြုံရေးအထိပါထိခိုက်လာစေပါသည်။

          သဘာဝပတ်ဝန်းကျင်ပျက်စီးထိခိုက်မှုစစ်တမ်း(Enviromental Impact Assessment) စသော သဘာဝပတ်ဝန်းကျင်ပျက်စီးမှုကိုဆန်းစစ်လေ့လာသောကြိုးပမ်းအားထုတ်မှုများသည်လည်းစက်မှုလုပ်ငန်းများရေရှည်တည်တံ့ဖွံဖြိုးတိုးတက်လာရာတွင်အရေးပါလှပေသည်။ရေရှည်တည်တံ့သောဖွံဖြိုးတိုးတက်မှု တွင်စီးပွားရေးစွမ်းဆောင်ရည်မြင့်မားမှု၊လူမှုရေးတန်းတူညီမျှမှု၊လူသားများလုံခြုံရေး၊ဂေဟစနစ်တည်မြဲရေးနှင့်ပြန်လည်ပြုပြင်ရေးတို့အဓိကပါဝင်ပါသည်။ထိုကဲသို့အခြေခံတန်းဖိုးများကိုဖော်ဆောင်ပေးရန်အတွက်

စက်မှုလုပ်ငန်းများဖွံဖြိုးတိုးတက်ရေး၏အဓိကအစိတ်အပိုင်းဖြစ်သောနိုင်ငံစုံလုပ်ငန်းကော်ပိုရေးရှင်းကြီးများအား(Corporate Social Responsibility) လူမှု့ဝန်းကျင်ဆိုင်ရာ တာဝန်ယူမှု၊တာဝန်ခံမှု လုပ်ငန်းများအား လုပ်ကိုင်စေခြင်းဖြင့်ရေရှည်တည်တံ့သောစက်မှုလုပ်ငန်းများကိုဖော်ဆောင်နိုင်ပါသည်။စက်မှုလုပ်ငန်းများအနေဖြင့်လည်းသတ္တုနှင့်စွမ်းအင်များကိုအလွန်အကျွံသုံးစွဲခြင်းကိုလျော့ချနိုင်ရန်အတွက်ပိုမိုဆန်းသစ်ကာပတ်ဝန်းကျင်အပေါ်ရိုက်ခတ်မှုအနည်းဆုံးဖြစ်နိုင်သောနည်းပညာများကိုသုတေသနစင်တာများဆောက်လုပ်

ပြီးလေ့လာဖော်ထုတ်နေရပေမည်။

          စက်မှုလုပ်ငန်းများကြောင့်ပျက်စီးဆုံးရှုံးမှုများကိုစဉ်းစားရာတွင်သဘာဝပတ်ဝန်းကျင်ပျက်စီးထိခိုက်မှုစစ်တမ်း (Enviromental Impact Assessment)သာမကလူမှုရေးဆိုင်ရာနစ်နာမှုစစ်တမ်း (Social Impact Assessment) များကိုပါလေ့လာကြပါသည်။လူမှုရေးဆိုင်ရာနစ်နာချက်များကြောင့်အခြားသော ဘေးထွက်ဆိုးကျိူးများအနေဖြင့်ပညာရေး၊ကျန်းမာရေး၊ဆင်းရဲနွမ်ပါးမှု၊လူကုန်ကူးအန္တရာယ်များအစရှိသော

ပြသနာများကိုပါဖြစ်ပွားစေပါသည်။ ထိုကဲသို့သောပြသနာများကိုဖြေရှင်းခြင်းမပြုပါကရေရှည်တည်တံ့သော ဖွံဖြိုးတိုးတက်မှုကိုရရှိနိုင်မည်မဟုတ်ပါ။ထို့ကြောင်းစက်မှုလုပ်ငန်းများဖွံဖြိုးတိုးတက်လာခြင်းသည်အခြား

သောကိစ္စများအပေါ်တွင်ပါရိုက်ခတ်မှုများရှိနေသောကြောင့်စီးပွားရေးတိုးတက်မှုရှုထောင့်တစ်ခုတည်းမှမ

ချဉ်ကပ်ဘဲရေရှည်တည်တံ့သောဖွံဖြိုးတိုးတက်မှုရှုထောင်မှချဉ်းကပ်လေ့လာသင့်ကြောင့်လေ့လာတွေ့ရှိရပါသည်။

                                                         

                                                                                         ကျော်ထက်အောင်

ရည်ညွှန်းကိုးကား။

1.   Beyond Economic Growth, An Introduction to the Sustainable Development (Second Edition) By Tatyana P. Soubbotina (The World Bank, Washington D.C)

2.   Urbanization, Industrialization and Sustainable Development (RIVM Report) By Fred Langeweg, Henk Hilderink, Rob Maas

3.   Sustainable Industrialization, A New Strategic Trend In Asian Developing Economies By DO DUC DINH (Institute of World Economy, Hanoi, Vietnam)

4.   Globalization, Industrialization and Sustainable Growth By Raphael Kaplinsky

5.   ဆင်းရဲနွမ်းပါးမှုလျော့ချရေး (ခင်မမမျိုး)